WAZIRI SELEMAN JAFO ATEMBELEA BUCHOSA

Posted on: January 5th, 2021

Waziri wa Nchi Ofisi ya Rais Tawala za Mikoa na Serikali za Mitaa (OR - Tamisemi), Mhe. Selemani Jafo, ameipongeza Halmashauri ya Buchosa kwa kutekeleza miradi ya ujenzi wa jengo jipya la Halmashauri lenye ghorofa moja na Hospitali ya Wilaya ya Buchosa iliyopo kijiji cha Isaka kata ya Nyehunge.

Amesema ujenzi katika ujenzi wa Hospitali za wilaya tisini na tisa (99) nchi nzima Halmashauri ya Wilaya ya  Buchosa inaongoza kwa kujenga majengo yenye viwango vinavyoendana na thamani ya fedha zilizotolewa na serikali.

Aidha, katika ziara hiyo, Jafo amezungumza na watumishi wa Halmashauri ya Wilaya ya Buchosa na kuwataka wafanye kazi kwa ushirikiano na kuacha tabia ya kugombana  nawafanye kazi kwa pamoja ili kuongeza tija na ufanisi katika kazi zao.

Katika ziara yake, Mhe. Jafo aliongozana na Mkuu wa Mkoa wa Mwanza, Mhe John Mongela, na kupokelewa na Mkurugenzi Mtendaji wa Halmashauri ya Wilaya ya Buchosa, Crispin Luanda.