TCRA YATOA MCHANGO WA VIFAA VYA TEHAMA

Posted on: January 9th, 2020

Mamlaka ya Mawasiliano Tanzania (TCRA) imetoa mchango wa vifaa vya mawasiliano katika Halmashauri ya Wilaya ya Buchosa ikiwa ni majibu ya maombi ya Shule ya Msingi Isaka iliyoko Halmashauri ya Wilaya ya Buchosa.

Vifaa vilivotolewa na Mamlaka ya Mawasiliano Tanznaia (TCRA) ni kama ifuatavyo:-

• Kompyuta kumi (10) za mezani kwa ajili ya kujifunza na kufundishia somo la Tehama na pia kwa ajili ya kuandaa mitihani ya wanafunzi
• Printer kubwa (Heavy Duty) yenye scanner kwa ajili ya matumizi ya ofisi katika kuandaa mitiani na shughuli zingine za kiofisi.
• Pamoja na Screen moja(1) na kisimbuzi chake kwa ajili ya kufundishia matamshi na usomaji kwa wanafunzi wa darasa la kwanza, la pili na elimu ya awali na kupata taarifa mbalimbali za elimu kupitia vyombo vya habari.

Hafla ya makabidhiano imefanyika katika shule ya Msingi Isaka ambapo Mhandisi Francis Mihayo , Mkuu wa Mamalaka ya Mawasiliano Tanzania kanda ya Ziwa alikabidhi vifaa hivyo kwa niaba ya Mkurugenzi Mkuu wa Mamlaka ya Mawasiliano Tanzania (TCRA).

Mhandisi Francis F. Mihayo (Mkuu wa Mamlaka ya Mawasiliano Kanda ya Ziwa).

Aidha Mkurugenzi Mtendaji wa Halmashauri ya Wilaya ya Buchosa, Crispin Luanda amemshukuru Mkurugenzi Mkuu wa Mamlaka ya Mawasiliano kanda ya Ziwa kwa mchango wao wa ufadhili wa vifaa vya TEHAMA kwa Halmashauri ya Wilaya ya Buchosa na kumuomba amfikishie salama za shukrani kwa Mkurugenzi Mkuu wa Mamlaka ya Mawasilino Tanzania, Mhandisi James Kilaba.