Ofisa Elimu Sekondari Buchosa na Walimu wakuu waweka Mikakati ya Kuinua Elimu.

Posted on: January 5th, 2018

Buchosa- Sengereama. Ofisi ya Afisa Elimu Sekondari leo imefanya kikao na walimu wote wa shule za sekonari katika Halmashauri ya Wilaya ya Buchosa.

Kikao kazi hicho kilikuwa ni cha kujadili na kupanga mikakati mbalimbali ya kuboresha elimu katika Halmashauri ya Wilaya ya Buchosa ikiwa ni pamoja na maandalizi ya mapokezi ya wanafunzi wa kidato cha kwanza wanaotarajiwa kupokelewa mwaka huu.

 Akizungumza na walimu, Afisa elimu sekondari Benjamin Rwelamila Siperto amewasisitiza walimu kufata taratibu na miongozo mbalimbali ikiwa pamoja na kuzingatia maadili ya utumishi wa umma wawapo katika maeneo yao ya kazi na nje ya kazi.