BARAZA LA MADIWANI BUCHOSA LAITAKA TARURA KUBORESHA MIUNDOMBINU YA BARABARA

Posted on: February 12th, 2026

Wakala ya Barabara za Vijijini na Mijini (TARURA) watakiwa kuongeza kasi kuboresha miundombinu ya Barabara katika Halmashauri ya Buchosa wilayani Sengerema Mkoani Mwanza.

Wito huo umetolewa tarehe 11, Febrary,2026  na Mwenyekiti wa Halmashauri ya Buchosa Mhe.Isack Mashimba katika Baraza la Madiwani wakati wa kujadili na kupitisha mapendekezo ya Bajeti ya Mapato na Matumizi ya shilingi Bilioni 44.7 kwa mwaka wa fedha 2026/2027 katika Halmashauri Buchosa.

Mhe.Mashimba ameeleza kufafanua kwamba TARURA wanaojibu wa kuhakikisha wanaboresha miundombinu ya barabara za mitaa kwa wakati ili ziweze kupitika kwa urahisi na watumiaji wa barabara hizo ambapo zitachochea maendeleo ya kijamii na kiuchumi kwa wakazi wa buchosa.

Kwa upande wao Waheshimiwa Diwani wa Halmashauri ya Buchosa wameeleza na kusisitiza umuhimu wa kupewa kipaumbele katika bajeti ya TARURA ili kuboresha mtandao wa barabara katika Kata za Halmashauri ya Buchosa.

Hata hivyo, Meneja wa Wakala wa Barabara za mijiji na Vijiji (TARURA) Wilaya ya Sengerema, Bw.Prosper Francis amesema kwamba watahakikisha barabara   za Halmashauri ya Buchosa zinaboresha kwa kiwango kinachokubalika.Sambamba na kuahidi kuendeleza ushirikiano na Halmashauri kwa kutatua changamoto zinazojitokeza.